Ð??Ñ????Ñ? ?Ñ?Ñ?Ñ??Ñ?Ñ?Ñ?Ñ? ?Ó??????Ñ?

Зерттеу жұмысында Корей түбегінде біртұтас өмір сүріп келе жатқан корей халқының екіге бөлініп, қазірге дейін екі мемлекеттің өмір сүріп отыруының себептері талданған. Автор тұтас халықтың екіге бөлінуіне ХХ ғасырдың 50-жылдары екі алып держава АҚШ пен КСРО-ның әсерінен қалыптаса бастаған капиталистік және социалистік жүйенің қарама-қайшылығы үлкен себеп болғанын негіздейді. Нәтижесінде екі ел арасында бірнеше соғыстар орын алып, екі корей мемлекетіне ғана қатысты емес, осы мемлекеттерді қолдап отырған алып державаларда белсенді қатысқан шабуылдар орын алғаны белгілі. Сонымен бірге, екі Корей мемлекетінің қазіргі саяси және экономикалық даму деңгейіне салыстырмалы талдау жасалып, Солтүстік Корея мемлекетіне қарағанда, Оңтүстік Корея мемлекеті анағұрлым жоғары даму деңгейінде деген қорытынды жасалды. Осының салдарынан, біртұтас мемлекет болып, қайта бірігу жолында бірнеше кедергілер пайда болғаны анық. Автор түбінде екі Корей мемлекетінің бірігуі бүтін корей халқына тиімді болатынын басып көрсетеді. Бірақ, егер екі мемлекетте соғыс қимылдарынсыз, тек келіссөздер жүргізу арқылы біріккен жағдайда, екі ел халқы да қолайлы жағдайда болады.