Bøker av У

Монографияда ал-Ҳаким ат-Термизийнинг маърифатпарварликка оид қарашларидан имон-эътиқодлилик, бағрикенглик, мустаҳкам ирода, пок қалблилик, виждонлилик омилларининг юксак маънавиятли шахсни тарбиялашдаги аҳамияти кўрсатиб берилган, аллома томонидан эътироф этилган "Илм-нурдир" маърифатпарварлик қарашларидан таълим жараёнида фойдаланишнинг назарий имкониятлари ҳақида фикр юритилган. Жумладан, ал-Ҳаким ат-Термизий асарларидаги маърифатпарварликка ундовчи ғоялар туркумлаштирилиб, таълим жараёнида фойдаланишнинг педагогик имкониятлари оила, жамоа, устоз ва шогирд муносабатлари катта аҳамиятга эга. Шу билан бир қаторда талабаларнинг дарс ва дарсдан ташқари машғулотларида аллома педагогик меросидан фойдаланиш мавзунинг долзарблигини белгилайди. Монография бакалавриятнинг бошланғич таълим ва спорт тарбиявий иш йўналиши ҳамда Педагогика назарияси ва тарихи (фаолият турлари бўйича), Педагогика ва психология магистратура мутахассисликлари талабаларига мўлжалланган.

Олий таълим тизимида бўлажак мутахассисларни касбга тайёрлашни такомиллаштириш педагогика назарияси ва амалиётининг долзарб муаммоларидан саналади. Унинг долзарблиги ОТМ битирувчиларини жамият жабҳаларида тезкор ўзгаришлар ва янгиланишлар билан тавсифланадиган янги ижтимоий-иқтисодий шароитларда ишлаш учун тайёрлаш зарурияти билан белгиланади. Ҳозирги кунда ҳар бир давлат, ҳар бир миллат имкониятларининг ҳал қилувчи омили инсонларнинг билими ва маърифатлилиги, интеллектуал ва маънавий салоҳияти саналади.