Bøker av С

Аҳолини йил давомида сифатли ва экологик тоза қишлоқ хўжалик маҳсулотлари билан таъминлаш долзарб ҳисобланади. Таъкидлаш зарурки, дунёда озиқ-овқат муоммоси ва унинг хавфсизлигини таъминлаш глобал масалалардан бири бўлиб бормоқда. Ушбу монография сабзавот ва полизчиликда учрайдиган оққанотлар, уларнинг энтомофаг турлари, етиштирилаётган ҳосилни зараркунандалардан сақлаб қолиш ва уларнинг сонини бошқаришда замонавий биологик ва кимёвий курашнинг илмий асосланган самарали тизимини ёритишга қаратилган. Бинобарин, сабзавот, полиз ва бошқа қишлоқ хўжалик маҳсулотларини имкони борича кимёвий воситаларни ишлатмасдан етиштириш, инсон саломатлигини сақлаш, атроф-муҳит мусаффолигини таъминлаш билан бир қаторда, биоценоз ва агробиоценоздаги жуда кўп турдаги тирик мавжудотларни сақлаб қолиш билан ҳам боғлиқдир. Монография сабзавот, полизчилик фермер хўжаликлари раҳбарлари, ўсимликлар карантини инспекторлари, ушбу соҳа хтисослиги талабалари, олий ўқув юртлари магистр, илмий тадқиқотчилари хамда кенг жамоатчилик учун мўлжалланган.